Drayber patay sa banggaay sa bus ug delivery van sa Talisayan, MisOr

Nabulag ang ulo ug lawas sa drayber dihang mibangga sa passenger bus ang gisakyan nga delivery van sa highway sa Brgy Mandahilag, Talisayan,Misamis Oriental kagahapong adlawa, Enero 10, 2026.

Sa kuha nga Facebook footages, nasugilon sa kapikas sa wala pa ilhi nga biktima nga daw mikawat sa linya sa dalan ang bus rason sa pagbanggaanay niini.

Sa kakusog sa impact sa bangga, naputol ang lawas ug ulo sa biktima hinungdang nakabsan sa kinabuhi.

Makita sa video nga ang ulo napadulong sa bus ug lawas nabilin sa gimaneho nga sakyanan.

Gilayong miresponde ang kapolisan sa hitabo.

Hinoon,wala magrabehe ang kapikas sa biktima kinsa giingong usa ka maestra taliwala nga nakalingkod kini sa passenger seat.