GENERAL SANTOS CITY – Nagbangutan sa kasubo gumikan sa pagkawala sa Amahan sa panimalay human ang maduguong aksidente nga gikalambigitan sa usa ka motor ug usa ka multi cab.
Kini human gikumpirma sa Traffic Enforcement Unit ang pagtaliwan ni Sandro Barsalote 35 anyos nga residente sa Sulop Davao del Sur.
Ang nahisgutang biktima ang nakaangkon ug dagkong samad sa ulo ug lawas human nabunal sa atubangan nga bahin sa multi cab. Unang gibutyag sa TEU nga nadala usab sa tambalanan ang driver sa multi cab nga si Abulkhair Mangondato 35 anyos nga residente sa Barangay City Heigths.
Gikabutyag pa nga tungod sa kakusog sa impact nalagpot sa iyang motor ang driver.
Nahitabo ang pagbangga sa Yumang kanto Mabuhay road ning syudad , matud pa nga duha ang sakay sa motor dihang mahitabo ang insidente.
