Gipasidunggan ang Chairman sa Florete Group of Companies nga si Dr. Rogelio Florete isip usa sa 2025 Captains of the Industry.
Gihatag sa Philippine Chamber of Commerce and Industry (PCCI) Iloilo Chapter kang Dr. Florete ang nasampit nga award sa seremonya nga gipahigayon sa Iloilo Convention Center dungan sa PCCI 120 Years of Iloilo Chamber Movement Celebration.
Si Dr. Florete ang kalakip sa 12 ka mga Ilonggo entrepreneurs nga honorees ukon giila tungod sa dako nga kontribusyon niini sa industriya sa media og sa pagpakaylap niini dili lang sa Iloilo apan sa ubang bahin sa nasud ug paghatag og trabaho sa mga Ilonggo ug mga Pilipino.
Sa interbyu sa Bombo Radyo kang Engr. Fulbert Woo, presidente sa PCCI Iloilo, iyang gipahibalo nga usa si Dr. Florete sa mga business leaders og founders nga midala og dakong papel sa pag-abli sa mga oportunidad sa ekonomiya ug paghatag og dako ug dekalidad nga trabaho.
Sumala niya, ang pag-ila kang Dr. Florete ug uban pa nga nalakip sa 2025 Captains of the Industry honorees, isip labing prestihiyosong pasidungog alang sa mga transformative business leaders, usa ka pamatuod sa ilang dedikasyon sa ilang industriya ug sa pagpasiugda sa positibo nga ‘values’ sa komunidad ug sa nasud.
