GENERAL SANTOS CITY – Bag-o na ang regional director sa Deped 12 human nga gipahigayon ang turnover ceremony kagahapong adlawa.
Si Dr. Carlito Rocafort ang bag-o nga OIC regional director nga gipulihan si Dr. Ceasar Francis Bringas nga dul-an duha ka bulan pa lang nahimong regional director.
Sa iyang pamahayag nga bisag mubo ang iyang panahon sa pagtinir sa Region 12 iyang nagustuhan ang lugar.
Sa pamahayag pa niini nga dili kini ang ulahi nga pag-adto niya sa Region 12.
Gibutyag ni Dr. Rocafort nga dakong hagit kaniya ang bag-ong responsibilidad apan andam nga atubangon human nga siya ang napilian.
Nagpasalamat si RD Bringas tanang nagkauban niya rehiyon nga nasugdan na niini ang pagmahal sa Region 12.
Subli nga gihingusgan ni RD Bringas nga dili siya ang labing maayong regional director sa Deped 12 apan dili makalimtan nga labaw sa maong buhatan. Nasayran nga si Bringas ang ika-13 nga Regional Director sa Deped 12.
Nasayran nga si Bringas ang ibalhin sa Deped Calabarzon kung asa si Rocafort ang gikan sa National Capital Region.
Mipasalig si Dr. Bringas nga sa pagbalik niini sa Luzon mahimo siya nga Ambassador of Mindanao.
Matud pa ni Bringas nga nausab ang iyang panglantaw sa Mindanao sa dihang na-assign sa lugar.
Sa iyang pamahayag nga usa ka maayong lugar ang Mindanao sukwahi sa gituohan sa uban.
Giangkon niini nga iyang nagustuhan ang Tinalak nga dili lamang gumikan sa kultura sa Tboli.
Dili niya makalimtan ang lugar nga iyang gikonsidera nga ikaduhang pinuy-anan niini.
Kahibaluan nga una nga nahimong regional director sa Deped 12 siya ang nagsilb isip labaw sa Deped Caraga.
Samtang iyang gitambagan si Dr. Carlito Rocafort, OIC Regional sa Deped 12 nga sa pag-adto sa rehiyon angayang makahibalo og nag-unang mga pulong sa diyalekto sa Ilonggo, Cebuano, llocano og Maguindanao.
