Giangkon ni Department of Public Works and Highways (DPWH) Secretary Manuel Bonoan nga adunay ghost projects sa pipila ka distrito sa Bulacan.
Atol sa imbestigasyon sa Senate Blue Ribbon Committee, gigisa ni Senate President Pro Tempore Jinggoy Estrada si Bonoan kay daw adunay ghost projects sa Calumpit, Malolos, ug Hagonoy.
Ang contractor sa “ghost” flood control projects sa Bulacan mao ang Wawao Builders — usa sa 15 ka kontraktor nga ginganlan ni President Bongbong Marcos nga nakadaog sa kadaghanan sa mga kontrata sa flood control sa gobyerno.
Sa Bulacan lang, ang Wawao Builders adunay 85 ka mga proyekto nga nagkantidad ug 5 billion ug total nga 9 billion sa tibuok nasod.
Gipasalig ni Bonoan nga manubag ang tanang nalambigit sa anomaliya kon mapamatud-an nga tinuod ang ghost flood control projects.
Sa laing bahin, gisubpoena usab ni Estrada ang tag-iya sa Wawao Builders nga si Mark Allan Arevalo alang sa makuting imbestigasyon sa komite.
