Luyo nga wala naangkon ang foreign tourist arrival targets sa 2024 gumikan sa nagkadaiyang mga rason, apan positibo si Tourism Secretary Cristina Garcia Frasco nga mahimong magmaayo ang dagan sa turismo sa nasud sa 2025.
Anaa sa 5,646,351 international visitor arrivals ang natala sa nasud base sa labing ulahing report sa miaging December 17,nga ubos sa target nga anaa sa 7.7 million foreign tourist arrivals sa tuig 2024.
Sa total foreign arrivals, 91.66 percent o, 5,175,599, ang mga langyaw og 8.34 percent, o 470,752 ang mga overseas Filipinos.
Usa sa lakang nga ilang himoon aron maagni pa ang mga turista nga magbisita sa nasud mao ang pag-lobby sa mga government agencies nga mas luagan ang visa entry.
Ang suspension sa electronic visa system ang may negative impact sa mga turista gikan sa China.
