Gipahibalo ni kanhi US Presidente Donald Trump nga ‘ok’ alang kaniya nga isilbi ang posibleng house arrest pagkahuman sa iyang makasaysayanon nga conviction sa 34 nga mga ihap sa krimen tungod sa pagpalsipikar sa iyang mga rekord sa negosyo.
Apan matud pa ni Trump nga sa iyang tan-aw dili kini masabtan sa publiko ug dugang pa lisod usab kini alang sa publiko.
Gihimo ni Trump ang pahayag pipila ka adlaw pagkahuman nakit-an sa hurado sa Manhattan nga sad-an ang kanhi Presidente sa US sa tanang mga kaso nga may kalabotan sa hush money trial.
Sa pagkakaron nagpabiling gawasnon si Trump samtang nagpaabot sa iyang sentensiya samtang padayon niini nga gibarugan nga wala siyay gihimo nga sayop.
Sumala sa usa ka sangputanan, si Trump ang una nga kanhi Presidente sa Estados Unidos nga nakit-an nga sad-an sa usa ka krimen ug usa ka mayor nga partido nga nominado sa pagkapresidente nga nakonbikto sa usa ka krimen sa tungatunga sa kampanya alang sa 2024 nga eleksyon sa pagkapresidente sa US.
