GENERAL SANTOS CITY – Gumikan sa seryoso nga bahad sa kinabuhi sa mga residente sa Malabod, Malungon gilayon nga gipatawag ni kanhi Mayor Reynaldo Constantino ang rido kon balusanay pagpatay sa duha ka pamilya .
Kini human nagresponde silang Lt Col Jovenson Bayona sa Malungon sa pipila ka engkwentro.
Miinit ang sitwasyon tali sa pamilya Sinaya ug Malayon dihang nakagawas sa prisuhan ang nagpangalan ug Ricky Sinaya, prime suspect sa pagpatay sa anak sa Malayon.
Nasuta nga si Sinaya ang nagsurender pito ka tuig ang nakalabay apan gibuhi-an sa korte nga gikasuko sa pamilya Malayon.
Sa tradisyon sa mga Blaan pulos gihatagan ug higayon nga makasulti ang pipila ka myembro sa nagbangi nga pamilya.
Gumikan kalma ang tigpatunga wala na miinit ang sulod sa barangay hall nga bantay sarado sa mga otoridad.
Isip kanhi Amahan sa munisipyo ug giila nga lider sa tribu nga Blaan nasabutan nga mag-uli sa maayong buot ang duha ka pamilya tungod ug alang sa sunod nga henerasyon.
Usa sa gikasugtan nga dili na magpakita pa sa Malabod si Ricky Senaya aron malikayan ang unsa mang kagubot.
Ang Barangay Malabod ang tagu-anan kanhi sa mga cattle rustler apan karon nahimo nang tinubdan sa mga gulayon sa food terminal ug bagsakan ning dakbayan.
