Gipahinumduman sa Department of Labor and Employment ang mga pribadong kumpaniya kalabut sa husto nga pasweldo sa nagkaduol nga regular ug special holiday karong Disyembre.
Pinaagi sa Labor Advisory No. 14, Series of 2024, ang Dec. 8, Dec. 24 ug Dec. 31 ang pulos mga special non-working holidays.
Gitombok usab isip regular holiday ang Dec. 25 (Araw ng Pasko) ug Dec. 30 (Rizal Day).
Sa tulo ka adlaw nga special non-working holidays, sundon usab ang ‘no work, no pay’ principle.
Apan alang niadtong mga nagtrabaho sa naasoy nga adlaw dugang 30% ang ilang madawat gawas pa sa overtime pay kung mag-overtime ang usa ka empleyado.
Sa duha ka regular holidays, musulod samtang ang mga empleyadong dili musulod ang makadawat gihapon ug 100% sa ilang regular nga sweldo.
Apil usab ang dugang nga overtime pay alang sa mga empleyadong muhimo niini.
Gihimo sa DOLE ang pahinumdum isip guidance sa mga employer, dungan sa lima ka adlaw nga special ug regular holiday sulod sa bulan sa Disyembre.
