Mikabat sa 3,364 ka mga aplikante ang na-hire on the spot human sa job fair nga gipahigayon sa Department of Labor and Employment kagahapon isip pakighiusa sa pagsaulog sa ika-127 nga anibersaryo sa Independence Day.
Gikan sa nasangpit nga ihap, moabot sa 274 ka senior high school graduates ang nakatrabaho lakip ang usa ka PWD ug napulo ka benepisyaryo sa Tulong Panghanapbuhay sa Ating Disadvantaged Workers Program.
Lakip sa mga trabaho nga ilang giaplayan mao ang cashier, service crew, production operator, ESL teacher, bagger, sales associate, clerk, production crew ug uban pa.
Kining maong lakang sa ahensya subay sa direktiba ni Presidente Ferdinand R. Marcos Jr.
Nagtuo ang Presidente nga mahimo kini pinaagi sa pagmugna ug daghang trabaho ug pag-organisa ug daghang job fairs sa nasud.
Ang Job Fair gipahigayon kagahapon sa 50 ka job fair sites sa tibuok nasod, nga gitambongan sa liboan ka mga aplikante.
