GENERAL SANTOS CITY – Gihingusgan ni Sen. Risa Hontiveros nga angayang ang Department of Labor and Employment kon DOLE unta ang nagmugna sa draft nga subay usab sa draft sa nagkadaiyang mga labor movements.
Reaksyon kini sa senadora sa gipirmahan ni Pangulong Rodrigo Duterte nga Executive order kon EO batok sa endo o end of contract scheme.
Giangkon ni Hontiveros nga wala pa nabasa ang unod sa EO apan base sa inisyal nga reports nga kini draft sa DTI basi sa draft nga gihimo sa Employeers Confederation of the Philippines o grupo sa mga negosyo.
Sa iyang pamahayag, kung ang EO matinud-anon sa dugay ng giduso sa mga labor groups nga maundang na ang endo, contractualization og hatagan ug dalan ang Security of Tenure, buot ipasabot nga kabahin kini sa solusyon.
Apan kung ang unod sa EO mao ang kanhi ng posisyon sa mga employeers organizations sa Security of Tenure magpabilin kining problema.
Gihingusgan ni Hontiveros nga angayang paspasan ang pagpasa sa Security of Tenure bill nga nakapasa na sa Kamara aron adunay balaod na mahatagan og hustisya ang mga trabahante.
Kahibaluan nga nahidangat kagahapon sa dakbayan ang senadora og gipangunahan ang imbestigasyon kalabot sa Malisbong masaker og Extra judicial Killings dinhi sa dakbayan.
Kini human nga nagpatabang kaniya ang grupong I-DEFEND nga imbestigahan ang serye sa pinatyanay sa GenSan.
