GENERAL SANTOS CITY – Gipasabot ni Dr. Fidel Peñamante, presidente sa GenSan Medical Society kung unsa ang mahitabo sa usa ka tawo kung nabakunahan sa COVID 19.
Sa iyang pamahayag nga susama sa ubang bakuna pwede gihapon matakdan sa sakit ang usa ka tawo apan dili grabe ang iyang balatian nga maangkon.
Gikadugang pa ni Dr. Peñamante nga ang buot ipasabot sa 50% efficacy rate sa Sinovac nga 50% nga dili matakdan sa COVID 19 apan kung makabaton sa maong balatian dili seryoso ang kondisyon og dako ang posibilidad nga makalikay nga makabsan sa kinabuhi.
Kahibaluan nga gibahin bahin na sa mga LGU ang 600,000 doses sa Sinovac vaccines nga miabut kaniadtong adlaw nga Domingo.
Sa Rehiyon 12 dul-an sa 17,000 doses s Sinovac vaccine ang miabot kung asa kapin sa 3,000 ang alang sa GenSan.
