Gikumpirma sa Department of Justice nga narekober sa mga otoridad ang laing sako sa mga lawas sa tao atol sa nagpadayon nga search and retrieval operations sa Taal Lake area.
Matud pa sa kasamtangang kalihim nga si Secretary Jesus Crispin Remulla nga ang narekober sa Philippine Coast Guard adunay sulod nga mga lawas sa tao.
Matod niya nga ang narekober sa milabayng adlaw atol sa padayong pagpangita sa ilawom sa linaw mao ang mga bukog sa tao lakip na ang bungo ug bisan ngipon.
Ang nasampit nga kalihim midugang nga ang mga patayng lawas mahimong gikan sa usa ka set sa mga bukog o gikan sa usa ka partikular nga tao.
Hinuon iyang giklaro nga ang mga bukog nga nakuha gikan sa linaw nga gibalhin na sa crime laboratory ipaubos sa dugang pagtuki.
Tungod niini, nagtuo si Justice Secretary Remulla nga makatabang kini sa ilang imbestigasyon.
Matod niya nga posible nga ipaubos sa DNA testing ang mga narekober nga patayng lawas partikular na ang ngipon ug bagolbagol.
Gumikan niini, masaligon si Justice Secretary Remulla nga lig-on ang impormasyon nga gipaambit sa testigo nga adunay mga patayng lawas nga nakit-an pa sa Taal Lake.
