Hingpit ng giatras sa Department of Justice ang mga kasong 98 counts sa reckless imprudence resulting in homicide batok kang kanhi Department of Health (DOH) Secretary og karon Rep. Janette Garin.
Ang kaso batok sa kanhing kalihim sa ahensya ang may kalabotan sa kontrobersiya sa matod pa pagkamatay sa pipila ka mga personalidad tungod sa Dengvaxia vaccine.
Base sa resolusyon nga gipagawas sa ahensya og pirmado ni DOJ Secretary Jesus Crispin Remulla, gimando niini sa prosecutor general nga gilayong bawion ang mga impormasyon nga unang nasumite sa Quezon City Regional Trial Court batok kang Garin og kauban niining akusado nga silang Dr. Gerardo Bayugo og Dr. Ma. Joyce Ducusin.
Matod kang Remulla, dili paigo ang ebidensya aron pamatud-an ang liability ni Garin og uban pang akusado sa maong kaso.
Nagpasalamat usab si Rep. Garin sa nahimong desisyon sa Justice Department.
