DOJ dili mag-appoint ug OIC sa NBI nga hulip ni Santiago

Way plano si Department of Justice (DOJ) Secretary Jesus Crispin Remulla nga motudlo og officer-in-charge (OIC) sa National Bureau of Investigation (NBI).

Kini luyo sa pag-resign ni Director Jaime Santiago.

Matod ni Remulla, ang sulat ni Santiago naglatid nga magpabilin siya sa posisyon hangtod nga adunay mapili nga mohulip kaniya.

Isip respeto sa iyang hangyo, niingon siya nga dili siya motudlo og OIC sa pagkakaron.

Iyang giklaro nga walay nadawat nga hulga si Santiago ug mag-estorya sila sa umaabot nga mga adlaw.

Kahinumdoman nga kaniadtong miaging semana ni-resign si Santiago sa iyang katungdanan tungod kay dili na niya maagwanta ang mga insulto nga gitumong kaniya.