-- ADVERTISEMENT --
GENERAL SANTOS CITY – Padayon ang koordinasyon sa DOH ngadto sa mga ginikanan sa mga bata nga nabakunahan sa libreng bakuna sa dengue sa gobyerno.
Matud pa ni Dr. Roy Aplikador sa Dr Jorge P. Royeca Hospital, ang pagmonitor sa mga nabakuhan ug dengvaxia ang labing maayong himuon sa pagkakaron aron mamonitor ang mga nasampit.
Kahibaluan nga gireport nga adunay dautang epekto ang dengvaxia sa mga nabakunahan niini nga wala pa nagka-dengue.
Sa iyang pamahayag nga wala nasayod kung pila katawo ang nagpabakuna ug dengue vaccine sa mga pribadong ospital o klinika dinhi sa dakbayan.
Ugaling aduna man, nanawagan si Dr. Aplikador ngadto sa mga ginikanan sa mga nabakunahan nga mag-report gilayon sa ospital o DOH12.
-- ADVERTISEMENT --
