Nitambag ang Department of Health (DOH) sa publiko nga magpraktis og dinaliang konsultasyon kung molapas na sa 40 degrees ang hilanat aron malikayan ang sakit nga dengue.
Kini ang tambag ni DOH Assistant Secretary Alberto Domingo atubangan sa mga natala nga kaso sa dengue sa lain-laing lugar sa nasud.
Matod ni Domingo, kung adunay taas nga hilanat, ayaw na lang magdugay kondili magpa-check-up dayon aron dali kining mahibaw-an kon simtomas kini sa dengue.
Sa pagkakaron, si Domingo niingon nga walay bakuna batok sa dengue ug bisan adunay kompanya nga mi-apply sa Food and Drug Administration, ang FDA nagpadayon sa pagtuon niini aron masuta kon epektibo ba o dili ang bakuna batok sa dengue.
Base sa talaan sa DOH, nius-os og 7% ang kaso sa dengue gikan Enero 26 hangtod Pebrero 8, 2025 ug hingpit nga gipatuman ang clean-up drive sa tibuok nasod aron mapugngan ang pagsaka sa kaso sa dengue.
