GENERAL SANTOS CITY – Nanghinaut si Dr. Edvir Jane Montañer, Immunization Coordinator sa DOH 12 nga mabakunahan ang tanang mga estudyante isip pagpangandam sa rehiyon alang sa 100% face to face classes higayon nga kini ipatuman sa Department Of Education .
Matud ni Dr. Montañer, andam ang rehiyon dose alang sa face to face classes kung mabakunahan ang mga estudyante.
Apan sumala pa nga dili siya makalaum nga tanang ginikanan ang muhatag ug pagtugot nga mabakunahan ang ilahang mga anak.
Kini tungod adunay pipila ka ginikanan ang ginabarugan nga dili mandatory ang pagpabakuna.
Kahibaloan nga daghan sa mga kabataan edad 5 anyos ngadto onse anyos ang excited sa subling pagbalik sa face to face classes.
Subay sa datus anaa sa kapin 700, 000 nga mga kabataan edad 5 anyos ngadto onse anyos ang target sa Rehiyon 12 nga mabakunahan kontra covid 19.
Sa karon, ilahang gilauman nga maangkon ang 80% nga mabakunahan gikan sa maong sector.
