DOH nagpahimangno bahin sa sakit nga makuha tungod sa grabeng kainit

Gipahimangnoan sa Department of Health (DOH) ang publiko bahin sa mga sakit nga gipahinabo sa grabeng kainit, subay sa pasidaan sa PAGASA sa “peligro” nga lebel sa heat index sa pipila ka mga lugar sa nasud.

Subay sa abiso sa DOH, ang heat index tali sa 42 ngadto sa 51°C, nga anaa sa “danger” category, mahimong hinungdan sa heat cramps ug heat exhaustion.
Ang indibidwal mahimong makasinati og mga sintomas sa kakapoy, pagkalipong, labad sa ulo, ug pagsuka.

Gitambagan usab sa DOH ang publiko nga likayan ang sakit sa init, lakip ang pag-inom og daghang tubig, paglimite sa mga kalihokan sa gawas gikan sa alas 10 sa buntag hangtod sa alas 4 sa hapon, paggamit sa sunscreen, ug pagsul-ob og luag nga sinina.