Nagtanyag ang Department of Health (DOH) og libreng HIV testing ug uban pang serbisyo atol sa “Love Loud, Love Safe: Pride Run 2025” nga selebrasyon nga gisugdan Domingo sa buntag.
Sa Facebook post, gidasig sa DOH ang publiko sa pagbisita sa “Love Loud, Love Safe” booth sa SM Mall of Asia sa Pasay aron makabenepisyo sa mga serbisyo sama sa libreng HIV testing ug konsultasyon, libreng condom, lubricants, pre-exposure prophylaxis ug HIV self-testing kits, ug health education ug interactive activities sa HIV/AIDS ug U=U.
Matod sa departamento sa panglawas, libre usab kini nga mga serbisyo sa nagkalain-laing testing hubs sa tibuok nasod.
Bag-ohay lang giawhag sa DOH si Presidente Ferdinand Marcos Jr. nga ideklara ang HIV nga national public health emergency tungod sa pagsaka sa bag-ong kaso sa nasud.
