Gipaniguro sa Department of Health (DOH) nga ang mga emergency services ug mga tambalanan nagresponde sa mga biktima sa aksidente sa Ninoy Aquino International Airport (NAIA) Terminal 1.
Ang trahedya nahitabo niadtong Domingo sa buntag, Mayo 4, dihang ang usa ka sports utility vehicle (SUV) nahagsa sa departure area sa terminal ug nakadasmag sa pipila ka mga tawo.
Matod sa DOH, ang duha ka mga pasyente nga gidala sa duol nga pribadong tambalanan alang sa emergency management ibalhin na sa pribadong pasilidad alang sa dugang trauma care.
Matud pa sa ahensya nga ang Medical Assistance to Indigent and Financially Incapacitated Patients (MAIFIP) program niini nag-cover sa mga galastohan sa mga pasyente bisan pa man nga anaa sila sa mga pribadong tambalanan.
Sa laing bahin, ang Health Emergency Management Bureau (HEMB) padayon nga nag-monitor sa sitwasyon aron masiguro nga matabangan ang mga biktima sa insidente.
Gipahinumdoman usab ni Herbosa ang publiko nga mag-amping sa mga karsada..
