DOH gipaandam sa mga goverment hospitals ang mga dengue fast lanes

Gimandoan sa Department of Health (DOH) ang tanang government hospitals sa pag-abli sa ilang dengue fast lanes.

Kini human sa pagsaka sa natala nga kaso sa dengue sa pipila ka bahin sa nasud.

Matod sa DOH, kinahanglang seguradohon sa mga tambalanan sa gobyerno nga ang dengue fast lanes magamit ug adunay igong tambal ug kahimanan.

Nag-andam na usab ang DOH og dengue kits nga gamiton sa mga local government units (LGUs).

Gikan Enero 1 hangtod Pebrero 15, nitala ang DOH og 43,732 ka kaso sa dengue, nga mas taas sa 27,995 ka kaso sa samang buwan sa miaging tuig.

Kadaghanan sa mga kaso nga natala ang gikan sa Calabarzon, gisundan sa National Capital Region ug Central Luzon.