GENERAL SANTOS CITY – Gipaabot sa lokal nga gobyerno sa dakbayan ang mga personhe sa Department of Health (DOH) national office alang sa inspection.
Sa exclusive interview sa Bombo Radyo GenSan kay Dr. Ryan Aplicador, chief of Hospital sa Dr. Jorge P. Royeca Hospital nga kini human na-install na ang modular testing laboratory human nga miabot sa syudad.
Sa iyang pamahayag nga sa miaging Sabado ang schedule sa DOH nga mag-inspection apan wala nahinayon gumikan kanselado ang biyahe sa eroplano.
Gumikan niini subli nga gi-schedule ang ilang pag-adto sa syudad nga gilauman nga sa adlawng Huwebes ning semanaha.
Gibutyag pa ni Dr. Aplicador nga 100% siya nga sigurado nga makapasa sa mga rekositos sa DOH ang maong laboratoryo nga mag-test sa specimen sa COVID 19 gumikan ang supplier niini ang ilado nga gahimo sa maong laboratoryo.
Gawas pa niini nga narebyu sa DOH una gihimo ang maong laboratoryo.
Samtang kung hingpit na nga mahimong operational ang maong laboratoryo dili na kinahanglan nga dad-on sa Cotabato City ang specimen inay sa Royeca na aron madetermina kung positbo o negatibo sa Covid 19.
Gikadugang pa niini nga kaya nga maka-test og hangtud sa 210 ka specimen kada adlaw ang maong laboratoryo.
Ang containerized laboratory ang nagkantidad og P15, 0000 nga may specimen receiving area ug lawak alang sa specimen intake and data recording.
