GENERAL SANTOS CITY – Gipahugtan sa Department of Health (DOH) 2 ang pagbantay sa mga langyaw nga turista nga nagasulod dinhi sa dakbayan hilabi na sa kadtung gikan sa mga nasud nga adunay natalang kaso sa Novel-CoronaVirus.
Nasayran nga daghan ang namatay sa maung sakit ilabi na sa Wuhan, China nga gitouhang sa maong lungsod naggikan ang nasampit nga virus.
Apan gipaklaro ni Dr. Jett Oco labaw sa City Health Office nga walay angayang kabalak-an ang mga residente tungod wala pay natala nga kaso sa maung virus o kaya gidudahan.
Sa pahayag niini nga dili gayud tuohan ang mga nga nagkatag sa social media nga nakasulod na matud pa ang N-CoV sa GenSan tungod wala kini kamatuoran.
Apan gibutyag ni Dr. Oco nga gayud magpakampante bisan pa man nga walay natala nga virus sa syudad apan mas maayo nga mag-amping sa tanang panahon.
Nasayran nga adunay gibutang nga mga personahe sa mga airport aron maoy musuta sa mga nangabut nga pasahero gikan sa laing mga kanasuran aron masiguro nga wala makasulod nga nataptan sa maong virus.
