Naghiusa ang Department of Energy (DOE) ug Philippine Energy Efficiency Alliance (PE2) aron palig-onon ang ilang energy efficiency and conservation (EEC) initiatives sa nasud.
Gihisgutan sa duha ang pagpalapad sa mga kontrata sa performance sa energy service company (ESCO), mas aktibong partisipasyon sa mga lokal nga gobyerno, ug ang pagrepaso sa mga insentibo alang sa mga long-term nga proyekto.
Matod ni PE2 President Alexander Ablaza, ang kasamtangang tax incentives (Tier 1 ug Tier 2) dili igo aron makadani ug stable nga kita para sa long-term EEC projects.
Gihisgutan usab ang posibilidad sa pag-integrate sa Energy Efficiency Day sa PE2 ngadto sa tinuig nga Philippine Conference for Energy Efficiency and Conservation (PCCEEC) sa DOE, ug ang pagpaila sa mga tradeable certificates alang sa mga proyekto sa carbon market.
Isip usa ka nagtubo nga merkado sa ESCO sa Southeast Asia, ang Pilipinas nagpahimutang sa kaugalingon isip usa ka rehiyonal nga hub, nakigtambayayong sa PE2 sa pagporma sa Asia-Pacific ESCO Industry Alliance (APEIA) ug sa Global ESCO Network.
Kalabot niini, si DOE Secretary Sharon Garin maoy nangulo sa delegasyon sa ahensya, samtang si Ablaza maoy nangulo sa PE2. Gilauman nga ang hiniusang paningkamot makapadali sa pagpatuman sa kahusayan sa enerhiya sa nasud.
