DOE target ang pagbutang ug 7,000 ka charging stations para sa e-vehicles sa 2028

Target sa Department of Energy (DOE) nga makatukod og 7,000 ka charging stations sa tibuok nasod alang sa mga electric vehicles.

Kini subay usab sa nagkadaghang pagsagop sa mga de-kuryenteng sakyanan sa tibuok nasod.

Matod sa DOE, nakatukod na sila ug mga 1,100 ka charging stations.

Ang target sa Energy Department nagsunod usab sa awhag sa gobyerno sa paggamit sa e-vehicles nga mas makadaginot ug makatabang pag-ayo sa kinaiyahan.

Ubos sa Charging Infrastructure Development Plan, ang DOE nakahimo og komprehensibo nga mapa sa dalan alang sa industriya sa electric vehicles.

Naglakip kini sa paghatag sa mga provider sa charging station og kapilian nga makakuha og elektrisidad pinaagi sa pagtukod og renewable energy onsite.