DOE, padayon ang inspeksyon sa mga gasolinahan tungod sa report sa kakulang sa diesel

Nagpadayon ang Department of Energy (DOE) sa pag-inspeksyon sa mga gasolinahan human sa mga report nga adunay pipila ka estasyon nga nahutdan og diesel nga gibaligya sa mga motorista.

Matud ni DOE-Oil Management Bureau Director Rino Abad, na-inspeksyon na nila ang usa sa mga gasolinahan nga gitumbok sa report ug gipahugtan na usab ang pagmonitor sa tanang field offices sa DOE.

Gipasabot ni Abad nga gawas sa pagpugong sa posibleng hoarding sa suplay sa diesel, gisiguro usab sa ahensya nga masunod sa mga gasolinahan ang gipatuman nga price adjustment.