-- ADVERTISEMENT --
Magdugang ang Pilipinas og 912 ka mga public charging stations sumala sa Department of Energy (DOE), nga kadaghanan niini anaa sa Metro Manila.
Ang DOE nipahibalo nga aron mapaspasan ang pagkuyanap sa mga electric vehicles (EVs), ang ahensya maghimo ug bag-ong mga regulasyon ug magpahigayon og public consultation aron maseguro nga luwas, epektibo, ug malungtaron ang dugang charging networks.
Ang mga giya alang sa EV charging station providers ipagawas karong Abril, ug adunay konsultasyon sa ikaduhang quarter para sa tuig 2025.
Ang nasud nagtinguha nga adunay labaw pa sa 7,000 nga mga istasyon sa pag-charge alang sa mga de-koryenteng sakyanan sa 2028.
