Giklaro sa Department of Energy (DOE) nga dili dayon makatukod og nuclear power plants ang nasud bisan pa man nga napasar na ang Philippine National Nuclear Energy Safety Act aron mahimong balaod.
Matod ni Energy Undersecretary Sharon Garin, target nila nga matukod na ang mga planta sa 2032, apan kinahanglan pa nila nga tumanon ang standards sa International Atomic Energy Agency (IAEA).
Kahinumdoman nga napasar ang Philippine National Nuclear Energy Safety Act, human kini giaprobahan sa Senado ug sa House of Representatives, nga maoy magtukod sa Philippine Atomic Energy Regulatory Authority (PhilATOM) nga maoy magsilbi nga ahensya nga morepaso ug mag-regulate sa tanang aspeto sa nuclear energy sa nasud, lakip na ang kaluwasan, konstruksyon, ug operasyon sa mga pasilidad.
Ang DOE nanghinaot nga ang pagmugna sa PhilATOM maghatag ug dalan dili lamang sa enerhiya, kondili alang usab niadtong makabenepisyo sa teknolohiya sa natad sa panglawas, agrikultura, ug siyentipikong panukiduki
