Nagpahibalo ang Department of Energy (DOE) og laing pagsaka sa presyo sa mga produktong petrolyo nga epektibo ugma, Martes, Marso 24.
Sumala ni Energy Secretary Sharon Garin, ang presyo sa gasolina motaas og P6.47 kada litro.
Sa diesel, adunay pagsaka sa presyo sa lana nga P11.88 kada litro samtang ang kerosene motaas og P13.66 kada litro.
Bisan pa sa gikatakdang pagsaka sa presyo, gipasabot sa departamento nga ang presyo sa mga produktong petrolyo sa merkado sa kalibutan medyo nikalma, nga adunay gamay nga pagsaka kon itandi sa miaging mga adlaw.
Ang Energy Department nagpadayon sa panawagan sa mga kompanya sa lana nga ipatuman ang staggered o hinay-hinay nga pagsaka sa presyo sa mga produktong petrolyo.
Bisan tuod ang uban miingon nga dili gyud nila mapatuman ang hinay-hinay nga pagsaka sa presyo sa lana tungod kay mawad-an sila og kita tungod kay ang mga presyo mausab matag adlaw tungod sa kagubot sa Middle East.
Sumala ni Sec. Garin, ang stockpile sa gasolina molungtad hangtod sa unang semana sa Mayo uban sa pag-abot sa dugang nga mga delivery.
