GENERAL SANTOS CITY – Gidala na sa Kauluhan ang DNA sample gikan sa mga bukog nga nakalutan sa Riverside Prk Mauswagon, Brgy Labangal ning siyudad, nga gituuhang si retired Staff Sergeant Virgilio Casiple Jr.
Kahinumduman nga dako ang pagtuo sa pamilya ni Casiple nga mao gayud kadto ang iyang mga bukog, human ma-missing ug dul-an duha na ka bulan.
Gikuhaan usab ug DNA sample ang iyang inahan ug igsuon, aron masuta kon mag-match ug matumbok kon mao gayud kadto ang mga bukog ni Casiple.
Gibanabanaang anaa sa usa ka bulan una madawat sa mga otoridad dinhi sa siyudad ang resulta sa DNA test.
Una nang gibutyag sa asawa niini nga si Josie nga mga bukog gayud kadto sa iyang bana human marekober ug makalutan usab sa lugar ang cellphone, tsinelas ug shoal niini.
