Gipahayag sa Department of Migrant Workers (DMW) nga dili kini magdali sa repatriation o pagpapauli sa mga overseas Filipino workers (OFWs) nga apektado sa tensiyon tali sa Israel ug Iran. Matod sa ahensya, kinahanglan nga tukmang panahon ug saktong koordinasyon ang ipatuman aron masiguro ang kaluwasan sa mga kababayeng Pinoy nga naa sa maong rehiyon.
Sumala ni DMW Undersecretary Hans Leo Cacdac, ang desisyon sa pagpapauli kinahanglan nga ipasikad sa kahimtang sa seguridad sa mga lugar nga apektado sa tensiyon, ug sa kahimtang sa mga OFW nga gustong mopauli.
Nagpadayon usab ang DMW sa pagmonitor sa kahimtang sa mga Pilipino sa Israel ug sa ubang kasikbit nga nasod nga posible maapektuhan sa kagubot. Gipasalig sa ahensya nga andam sila nga mutabang ug mutugot sa voluntaryong repatriation kung kini pangayo-on sa mga OFW.
Ang kasamtangang tensiyon tali sa Israel ug Iran misangpot sa kahadlok sa posibleng eskalasyon sa giyera sa Middle East, hinungdan nga gibutang sa DMW sa heightened alert level ang kahimtang sa rehiyon, ug nanawagan sa katawhang Pilipino nga mag-amping ug magpaabot sa mga advisories gikan sa gobyerno.
Sa pagkakaron, padayon ang konsultasyon sa mga embahada ug mga Filipino community leaders sa abroad aron matimbang-timbang ang lakang nga angay buhaton alang sa proteksyon sa mga OFW.
