GENERAL SANTOS CITY- Nagpahigayon og disinfection ang lokal nga gobyerno sa dakbayan katambayayong ang Philippine Red Cross-Gen. Santos City and Sarangani Province Chapter.
Gisulod sa mga ginsakpan nila ang mga lawak og palibot sa mga hotels og pension houses nga giadtuan aron ma-disinfect batok sa unsa mang virus.
Ang mga nahisgutang lugar nagsilbi nga quarantine areas alang sa mga Locally Stranded Individuals kun LSIs og Overseas Filipino Workers (OFWs).
Kahinumduman nga sa miaging adlaw nga Miyerkules, anaa sa 83 LSIs gikan sa Kauluhan ang nahidangat sa dakbayan sakay sa BRP Gabriela Silang, usa ka barko sa PCG nga midunggo sa Makar Wharf.
Sa maong ihap gikan sa Region 12, sa South Cotabato: 1; North Cotabato: 7; Sarangani: 13; Sultan Kudarat: 11; og sa Gen. Santos City: 19.
Samtang sa ubang Rehiyon, sa Maguindanao: 28; Lanao del Sur: 2 og Sarangani, Davao Occidental may duha ka LSIs nga namauli.
Tanan kanila ang gisugat og sakyanan sa ilang tagsa ka LGUs.
