GENSAN- Nagpabiling init ang diskusyon sa legal nga komunidad bahin sa posibleng tulubagon ni kanhi Presidente Rodrigo Roa Duterte sa iyang “War on Drugs,” ilabi na sa mga ebidensya nga gipresentar sa prosekusyon.
Sumala ni Atty. Rey Cartojano, adunay mga video nga nagpakita og direktang kamanduan sa kapulisan, apan limitado gihapon ang direktang ebidensya nga nagkonektar sa kanhi Presidente, samtang gibana-bana nga 95% sa ebidensya nagbase lamang sa iyang mga publikong pahayag ug sa sumbanan sa mga hitabo.
Dako ang hagit sa prosekusyon sa pagpamatud-an nga kini usa ka “Crime Against Humanity,” samtang ang depensa ni Atty. Nicholas Kaufman nag-ingon nga selektibo lang ang paggamit sa mga pahayag ni Duterte.
Gipahinumdoman usab ni Atty. Cartojano nga anaa pa kini sa preliminary stage ug kadaghanan sa ebidensya circumstantial pa lamang, samtang ang lig-on nga prubahi o “proof beyond reasonable doubt” gikinahanglan aron mahatagan og sentensya ang kanhi Presidente
