Nanawagan si Jonvic Remulla sa publiko nga magreport dayon pinaagi sa emergency hotline 911 kung adunay makita o madunggan nga hulga sa kapintasan, lakip na ang posibleng plano sa mass shooting nga gihisgutan sa mga grupo o online platforms.
Gipasiugda ni Remulla ang kahinungdanon sa paspas nga paghatag og impormasyon ngadto sa mga awtoridad aron malikayan ang posibleng kadaot ug mapugngan ang bisan unsang hulga sa kaluwasan sa katawhan.
Matod niya, ang daling pagreport sa mga kahimtang nga mahimong peligroso makatabang sa mga law enforcement agencies nga makalihok dayon ug makaprotekta sa publiko.
Gidasig usab niya ang mga Pilipino nga magmatngon ug makigbahin sa pagsiguro sa kaluwasan sa komunidad pinaagi sa responsableng paghatag og impormasyon ngadto sa hustong mga awtoridad.
