GENERAL SANTOS CITY – Gibisita ni DILG Secretary Benhur Abalos Jr. ang haya ni Patrolman Benjamen Difuntorum lll sa usa ka punerarya ning dakbayan.
Kauban ni Secretary Abalos si Brig Gen James Gulmatico sa PRO 12, Gensan Mayor Lorelie Pacquiao ug ubang opisyal sa PNP.
Gihimamat usab ni Abalos ang mga ginikanan sa namatay nga Pulis ug ang asawa sa nahisgutan ug gitunol ang cash assistance.
Gikasubo sa opisyal ang gidangatan sa nahisgutang Pulis nga nagresulta sa pagkapatay sa duha ka mga sakop sa gun for hire syndicate.
Ang gihimo matud pa ni Difuntorum ang usa ka ehemplo sa maisog nga Pulis nga gibuhis ang kinabuhi aron kapugngan ang pagkunayap sa kriminalidad.
Sa kasamtangan naka half mast ang bandera sa mga kampo sa kapulisan sa syudad tungod sa pagpanaw sa nahisgutang Pulis nga sakop sa City Mobile Force Battalion.
