-- ADVERTISEMENT --
GENERAL SANTOS CITY – Hugot nga direktiba karon ngadto sa mga DILG regional offices ang hugot nga pagmonitor sa posibleng spill over human sa natigayon nga pagpangataki sa Marawi.
Matud pa ni DILG Prvl. Director Flor Limpin, dili gusto sa gobyerno nga masubli ang spill over nga nahitabo niadtong 2008.
Gibutyag sa opisyal, lakip usab sa imonitor ang posibleng evacuees o ‘internally displaced individuals’ nga resulta sa nahitabo sa Marawi.
Hinuon, nagtuo si Limpin nga gitahasan na ni sarangani Gov. Steve Solon ang DSWD sa probinsya nga mag-andam sa ihatag nga hinabang sa mga apektado sa kasamok sa lugar.
Nagpadayag usab og kaandam ang gobernador sa pagtabang kon ugaling ipatuman ang state og Calamity sa Marawi.
-- ADVERTISEMENT --
