Nagsang-at na ug kasong graft ang Department of Interior and Local Government kon DILG batok kang Bamban City, Tarlac mayor Alice Guo tungod sa gikabutyag nga kalambigitan niini sa Philippine Offshore Gaming Operator kon POGO sa iyang lugar.
Sumala kang DILG undersecretary Juan Victor Llamas, ang maong kaso napasang-at sa Office of the Ombudsman niadtong May 24,2024 nga gipunting sa issuance sa Hongsheng Gaming Technology Inc. bisan ang maong kompanya napakyas sa pagkompleto sa ilang mga papeles ug expired usab ang gigunitan nga lisensya gikan sa Philippine Ammusement and Gaming Corporation kon PAGCOR.
Sumala pa sa DILG may tulubagon si Guo nganong wala gilayon niini gi revoke ang business permit sa Hongsheng.
Tungod niini nagtuo ang DILG nga mapatuman ang preventive suspension kang Mayor Guo luyo nga padayon pa nga ginasubay ang iyang pagkatawo.
