Subling gisubli sa Department of the Interior and Local Government (DILG) ang panawagan sa mga lokal nga kagamhanan nga ipatuman dayon ang mga evacuation tungod kay nikusog ang Bagyong Nando nga nahimong super typhoon.
Si DILG Secretary Jonvic Remulla nagkanayon nga dili na angay maglangan ang mga lokal nga kagamhanan sa pagpabakwit sa mga tawo gikan sa mga dapit nga huyang.
Dugang pa ni Secretary Remulla nga tungod kay super typhoon na si Nando, dili na ma-postpne ang mga evacuation.
Kinahanglan nga molihok dayon ang gobyerno ug tabangan ang mga tawo aron maluwas ang kinabuhi.
Gitambagan usab sa DILG ang publiko nga sundon ang mga update gikan sa PAGASA ug lokal nga gobyerno.
Kinabuhi ang nakataya, busa obligasyon sa gobyerno ug responsibilidad sa matag komunidad ang pagbakwit og sayo.
Gihatagan og gibug-aton sa Kalihim nga kinahanglang ipatuman sa mga lokal nga kagamhanan ang mandatory evacuations, ilabina sa mga lugar nga delikado sa pagbaha, grabeng bagyo, ug pagdahili sa yuta.
