Giklaro ni President Ferdinand Marcos Jr. nga ang mga langyaw nga digital services nga may kalabotan sa edukasyon ang wala’y labot sa buhis sa gobyerno.
Kini subay sa prayoridad sa gobyerno nga himuong barato ug accessible sa mga Pilipino ang edukasyon.
Sa pagpirma sa Presidente sa Republic Act No. 12023 o ang balaod nga magpahamtang ug 12% nga VAT sa mga non-resident digital service providers (DSPs), ang presidente nagkanayon nga ang mga online courses, webinar, online platforms nga gigamit sa pagkat-on sa estudyante, ug uban pang digital educational ang exempted sa buhis.
Dugang pa ni PBBM nga , kini nga balaod magsiguro sa pagsunod sa buhis sa mga digital service providers, samtang pagsiguro nga ang kompetisyon mahimong patas alang sa mga lokal nga digital service providers.
Ubos sa balaod, gibanabana nga mokolekta ang gobyerno og P105 bilyones sa mosunod nga lima ka tuig.
Mga 5% sa kini nga kita ang igahin sa mga industriya sa paglalang. Kana nagpasabut nga ang mga magbubuhat sa pelikula, artista, musikero, ug uban pang mga indibidwal nga nagmugna ug naghatag mga sulud ug mga asoy sa kini nga plataporma makabenepisyo.
