Gipataas sa gobyerno sa Pilipinas ang crisis alert level 3 sa Israel ug Iran.
Tungod niini, gidasig sa Department of Foreign Affairs (DFA) ang mga Filipino worker sa Iran ug Israel sa pagtubag sa panawagan alang sa boluntaryong pagpauli.
Ang lebel sa krisis 3 o boluntaryong pagpauli gipataas sa gobyerno sa Pilipinas sa mga nasud nga adunay nagkagrabeng kagubot.
Adunay mga 30,000 ka mga Filipino nga trabahante sa Israel, kadaghanan kanila mga caregiver, samtang adunay kapin sa 1,000 sa Iran.
Matod sa DFA, bisan kinsang OFW nga interesadong mobakwit mahimong mokontak sa embahada aron mahikay ang ilang pagbalik sa nasod.
Kahinumduman nga nagbinayloay og missile ang Iran ug Israel pipila ka semana ang milabay, diin daghang sibilyan ang natanggong sa kagubot.
