Gipaambit sa aktres nga si Lotlot de Leon ang mga detalye sa haya og lubong sa iyang inahan nga superstar og National Artist nga si Nora Aunor.
Base sa iyang mensahe, ipahigayon ang public viewing sa Abril 19 og 20 sa The Chapels sa Heritage Park.
Gitakda ang mga adlaw sa pagbisita para sa pamilya og mga higala sa superstar.
Tungod si Nora ang Pambansang Alagad ng Sining, matigayon ang iyang lubong sa Abril 22 sa Libingan ng mga Bayani.
Gilauman ang mga state necrological services isip pag-ila kang Aunor sumala sa National Commission for Culture and the Arts.
Si Nora Aunor kon Nora Cabaltera Villamayor sa tinuod nga kinabuhi gipanganak sa Iriga City, Camarines Sur, og nagsugod sa kalibutan sa entertainment niadtong dekada 1960 isip singer og nailhan tungod sa iyang “golden voice.”
Gigunitan niya ang papel sa mga pelikula susama sa “Himala” niadtong 1982, “Bulaklak sa City Jail” niadtong 1984, og “The Flor Contemplacion Story” niadtong 1995.
Gihatagan siya og mga pasidungog para sa iyang kamaayo sa pag-arte, lakip ang Best Actress sa Gawad Urian og FAMAS para sa iyang paggunit sa papel sa “Tatlong Taong Walang Diyos.”
Usa sa mga nahimong hisgutanan kabahin kay Nora ang paglahi niya og relihiyon gikan sa pagka-Katoliko padulong sa pagpabunyag niya sa Members of the Church of God International o naila kaniadto isip Ang Dating Daan.
