GENERAL SANTOS CITY – Suportado sa pamilya Pacquiao unsa man ang mamahimong plano sa iyang political career ni Sen. Manny Pacquiao.
Kini human nga gihisgutan sa publiko nga may plano nga mudagan ang magbabalaud nga isip presidente sa nasud.
Matud kang Sarangani Rep. Ruel Pacquiao, sayo pa kaayo aron musulti nga sudlon sa iyang igsuon ang labing taas nga posisyon sa nasud tungod mismong si Sen. Pacquiao ang wala pay mihatag og pormal nga pronouncement kabahin niini.
Hinuon kung magdesisyon nga mudagan pagka-presidente si Sen. Pacquiao anaa kaniya ang suporta sa pamilya.
Samtang gibutyag ni Rep. Pacquiao nga dili na bag-o sa publiko ang gihimo sa igsoon nga mutuyok sa lain laing lugar sa Pilipinas og manghatag og hinabang ilabina sa mga naapektuhan sa linog, baha, sunog og uban pa.
Nasuta nga sa miaging adlaw nagkuyog ang mag-igsuong Manny og Ruel Pacquiao sa paghatag ug bugas og cash sa mga residente sa Bawing og Tambler, ning syudad dungan kini sa pagsaulog sa ika-42 nga adlaw nga natawhan sa senador.
