GENERAL SANTOS CITY – Patay na sa dihang naki-an samtang nagbitay sa sanga sa madre de cacao ang usa ka biktima sa depresyon human gikutlo ang iyang kinabuhi.
Gikumpirma ni Lt. Col. Edgar Yago, hepe sa Malungon Municipal Police Station nga nakadawat ug taho alas P2:00 sa hapon sa nagpangalan ug Michael Pawayan nga residente sa Lutay Malungon nga nakakita sa tawo nga naghikog.
Matud ni Yago nga ilang naabtan nga gikanaug na sa yuta nga bahin ang patay nga lawas sa biktima nga gina revive pa sa mga silingan apan wala nagmalampuson.
Giila ni Yago ang biktima nga si Joven Dandan nga residente sa Sitio Tambudlot, Lutay Malungon Sarangani.
Gikadugang sa opisyal nga iyang na estorya ang asawa sa biktima nga na-depress ang biktima tungod sa nasinati-an nga coronavirus pandemic human pakyas nga makaadto sa Gensan tungod dinhi nagtrabaho.
Nananghid pa ang iyang bana nga mangahoy sa ilang umahan apan wala na mubalik ug nakita na lamang nga patay na.
Gipaklaro sa opisyal nga walay foul play ang nahitabo sa biktima tungod walay nakita nga unsa mang samad u garas sa lawas sa biktima.
