Padayon nga gipanghimakak sa kampo ni Vice President Sara Duterte nga walay nahitabong misuse o misappropriation sa confidential funds sa Office of the Vice President (OVP), samtang nagpadayon ang impeachment trial sa Senado.
Sa press briefing human sa pagdungog kagahapon, Martes, miingon si defense spokesperson Atty. Michael Poa nga nagpabilin ang ilang baruganan nga walay confidential funds nga naasdto mismo sa Bise Presidente.
Matud pa ni Poa, wala pa mapamatud-i sa prosecution ang mga alegasyon nga anaa sa impeachment complaint ug kinahanglan pa kining mopresenta og dugang nga ebidensya aron mapalig-on ang ilang mga pasangil.
Gipasabot usab sa abogado nga dili pa igo ang testimonya sa usa ka testigo gikan sa Commission on Audit (COA) aron mapamatud-an ang giingong iregularidad sa paggamit sa confidential funds sa OVP.
