Sugdan na sa Department of Education (DepEd) ang pilot implementasyon sa mga kausaban sa K-12 program system, partikular na sa Senior High School (SHS), sa mga tunghaan sa tibuok nasod.
Kini maoy gipahibawo ni DepEd Undersecretary for Operations Malcolm Garma sa interbyu sa usa ka interview
Matod niya adunay tulo ka nag-unang butang nga kabahin sa revised K-12 system base sa pagrepaso sa ahensya sa gipatuman nga curriculum sa senior high schools.
Apil niini ang pagkunhod sa kinauyokan nga mga subject, pagpalugway sa panahon para sa ‘work immersion’, ug pagpalapad sa elective courses.
Gibanabana nga 900 ka pampubliko ug pribadong tunghaan sa tibuok nasod ang ipaubos sa pilot testing sa maong programa, sa dili pa ang gipaabot nga hingpit nga pagpatuman niini sunod tuig tingtungha, sumala ni Garma.
