Nanginahanglan og kapin P5.072 bilyon ang Department of Education (DepEd) alang sa pag-ayo sa mga eskwelahan nga nadaot tungod sa habagat ug mga bagyo.
Matud sa DepEd, adunay 476 ka eskwelahan sa nagkalain-laing bahin sa nasod ang naapektuhan ug nadaot.
Moabot usab sa P1.013 bilyon ang gikinahanglang pondo alang sa pag-ayo sa 624 ka eskwelahan.
Matud sa DepEd Disaster Risk Reduction and Management Service, mokabat sa P277.34 milyon ang gikinahanglan alang sa minor repair sa 1,444 ka eskwelahan, samtang P46.983 milyon ang gikinahanglan alang sa paghinlo ug clearing operations.
Padayon usab ang pakig-alayon sa Disaster Risk Reduction and Management Service sa mga field offices ug padayon nga gibantayan ang mga epekto sa kalamidad aron dali nga mahatagan og pag-ayo ang mga apektadong eskwelahan.
