-- ADVERTISEMENT --
Nanawagan ang Department of Education (DepEd) sa mga pribadong sektor nga motabang ug motambong sa 2025 Brigada Eskwela, nga ipahigayon sa tibuok nasud gikan Hunyo 9 hangtod 13, isip pagpangandam sa klase nga magsugod na sa Hunyo 16.
Matod ni DepEd Secretary Sonny Angara, personal nga pangulohan ni President Ferdinand Marcos Jr. ang opisyal nga pagsugod sa maong kalihukan.
Giklaro usab ni Angara nga dili mandatory o pinugos ang pinansyal nga kontribusyon gikan sa mga ginikanan nga adunay anak sa mga pribadong tulonghaan.
Gidugang pa niya nga ang Brigada Eskwela dili lang para sa pag-ayo ug pagpanglimpyo sa mga eskwelahan, apan usa kini ka porma sa bayanihan o panaghiusa sa komunidad alang sa edukasyon.
-- ADVERTISEMENT --
