Masaligon ang Department of Education (DepEd) nga ang Kongreso mohatag sa ilang hangyo alang sa dugang pondo nga dul-an sa ₱100 bilyon alang sa tuig 2026.
Matod ni Education Secretary Sonny Angara, kining dugang nga pondo gitagana aron matubag ang gikinahanglang kausaban sa sistema sa edukasyon.
Lakip sa mga prayoridad nga hatagan og pagtagad mao ang kakulang sa mga classroom, ang problema sa malnutrisyon nga nakaapekto sa pagkat-on sa mga bata, ug ang kakulang sa mga ekipo nga gikinahanglan sa mga tinun-an ug magtutudlo sa nagkadaiyang dapit sa nasud.
Dugang pa sa kalihim nga matag piso nga igahin siguruhon nga makaayo ug mabati sa mga magtutudlo ug estudyante sa tibuok Pilipinas.
Gihingusgan niya nga kini nga kantidad maitandi sa 4% sa Gross Domestic Product (GDP) sa nasud, nga gitagana alang sa dugay nga mga reporma ug kalamboan sa sektor sa edukasyon.
Aron masiguro nga kini nga mga saad matuman ug mahimong transparent kon asa moadto ang pondo, si Angara miingon nga ang DepEd mogamit og binulan nga public dashboards ug open government platforms.
Pinaagi niini, mas transparent ug accountable ang ahensya sa paggamit sa pondo, ug ma-monitor sa publiko ang pag-uswag sa mga proyekto ug programa sa DepEd.
Luyo ning maong pamahayag, si Secretary Angara nipadayag og pasalamat sa Senado sa padayon nilang pagsuporta sa mga programa sa DepEd.
