GENERAL SANTOS CITY – Giklaro ni Ronnie Sunggay information officer sa Deped-GenSan, nga dili pa compulsory nga mag-uniporme ang mga magtutungha ning adlawa.
Sumala pa nga maayo kon mag-uniporme na gilayon ang mga estudyante sugod ning adlawa, apan dili compulsory kon ugaling wala pay uniporme ug mahimo gihapon silang makasulod sa mga tulunghaan ug sa ilang tagsa ka mga classrooms.
Dugang pa ni Sir Sunggay nga sa karon padayon ang pagpangalap ug data sa DepEd-GenSan aron masayran kon pila gayud tanan ang kinatibuk-ang ihap sa enrollees sa siyudad.
Hinungdan nga lauman matud pa nga mutuyok sa mga tulunghaan ning adlawa ang mga opisyal sa DepEd-GenSan.
Nasayran nga miaging school year kapin sa 100,000 ka mga magtutungha ang natala sa elementarya ug sekondarya.
Apan lauman matud pa nga posibleng sa mga musunod semana pa masayran ang kinatibuk-ang ihap sa mga magtutungha karong tuiga hilabi na nga daghan pa ang gilaumang muapas ug pa-enroll.
